【鬼世界】之三

ANSON

咒死高校 有部戲叫〈高校死咒〉，只要同房有人死，你就可以加分入名校。聽見故仔好驚。有件事放o係心度一直都唔敢講出o黎，亦係關於o係學校見鬼o既事。 三年前，有個轉校生，但好少返學。同學對佢都唔熟，不過見到佢大家都笑佢，因為佢有一隻眼有白點，好似白內障咁，同學有驚佢，都唔敢正面望佢。不過最恐怖係佢有時會o係你背後同你講o野。 有次上體育堂，大家排隊跳高，佢o係同學背後話：「阻住晒！你去死啦。」個同學以為佢講笑，冇理佢。點知一跳，成個槓桿架「責」o係佢身上，本來「責親」都會冇乜o野，但係個同學下體竟然流出血。大家想笑但係又好驚。 冇耐上化學堂，阿Sir放幻燈片，開著幻燈，拉上布簾時，我竟然見到有隻狗o係幻燈機上面走過。我好驚，因為成間學校根本冇狗，我同同學講，個個都話見唔到。我已經好驚。 後來呢個細路因為屋企問題退學。呢年秋季去宿營先聽到Miss講，嚇到我成晚?唔著。原來個細路屋企有隻狗，不過隻狗畀人落毒死o左。呢件事已經發生o左一年，但係個細路成日聽到有把狗吠聲o係佢耳邊。 呢件事佢冇同父母講，因為佢父母係盲o既，佢唔想父母擔心。所以曾經同Miss講過，但係冇理由叫學生去搵師父嘛，唯有安慰佢叫佢早睡早起自然冇幻覺。不過最恐怖係個細路同Miss講，話學校朝早十一點左右就會有隻鬼出o黎o係操場走。邊個阻住佢，佢就會害邊個。Miss梗係當佢講故仔喇。但係有時我半夜諗起都好驚。 李終貴按：終貴都有養狗，所以聽得毛骨悚然。終貴細個時養過隻流浪狗，終貴媽一直反對，但係偏偏佢對隻狗最有感情。 點知隻狗養o左三個月，就患肺病病死o左。之後成個月終貴媽每次去買?返o黎，一開門都會聽到兩聲狗吠聲。因為隔鄰並冇養狗，所以最後只係以為自己聽錯。但係有次終貴媽因為感冒，所以煲藥，點知一邊煲，佢就一邊?，一?就唔知睇火。 唔知?o左幾耐，佢突然畀狗吠聲吠醒o左，因為突然醒，並冇為意，佢意然見到隻狗?o係佢腳邊。終貴媽話：「你咪o係度賴尿呀！」跟住就走入廚房。點知入到廚房見到個煲成個黑晒，如果走入遲一步真係火燭都有份。 不過佢一打開煲，就即刻醒起隻狗已經死o左，點解正話見到隻狗?o係自己腳邊。時終貴媽先開始驚。 後來因為實在無聊，所以又養過一隻狗。隻狗一入屋企門口已經成日吠，終貴媽話：「大家和氣相處。」過o左兩個月，終貴媽都冇見到隻「鬼狗」再現身。收養o既狗亦冇成日吠，但係竟然有o左，生o左三隻狗仔，其中有隻o既樣有似終貴媽死o左隻愛犬。 終貴只覺得狗有相似，並冇當一回事，不過當隻狗如珠如寶。到而家隻母狗已經送畀人，不過呢隻狗仍然o係終貴屋企。

Jimmy

仲系果句,下次揾啲简单啲嘅!下边就等我讲个比你讲,做个范例! 你睇住啦!

Jimmy

故事发生在某高山森林处! 那里住了一对夫妻,男嘅靓仔,女嘅样衰! 有一日,男嘅终于忍唔住女嘅样衰,将拒溶尸! 个女嘅就咁死左! 讲完!(那---尼啲就叫做简而精啦!)

Hyde

嗯...呢个好似係某位英文字母而且係排第一嗰个字母开头嘅斑竹.....嘅真实写照...^_^

倩兒

都唔知UP乜~~長既懶得睇~~`短既睇到我一頭霧水~~

处女座男孩

一味得个睇字就最好罗~

小光

虽然已经睇完晒不过好似有D吾多好睇``