各位，埋嚟睇喇埋嚟睇喇~帮我睇睇呢个问题吖！

蜜枣仔 · 发表于 2003-4-10 23:38:00

呢个故仔係发生响好耐好耐以前嘅！有一个戆居居嘅男仔，佢叫做小蜜，佢好偶然机会下识咗佢朋友个契妹小敏，佢哋响今年上网倾计就越倾越啱倾（小蜜单方面觉得）咁小蜜就对小敏产生咗一种好特别嘅感觉（即係好感）咁佢就表白喇，咁小敏又接受咗啵，当事小蜜好开心架！！仲瞓唔着添！咁佢哋就一齐喇，不过佢哋係唔夹嘅，小蜜唔钟意小敏做果啲嘢昵，小敏都唔会点理小蜜嘅意见而去做嘅，而小敏同小蜜一齐果时亦都仲係钟意佢以前果个男朋友小杜嘅，咁同一个人心入面又点可以放两个人呢？？咁小敏就拣咗同小蜜分手喇（小蜜好伤心架）理由就係其实自己仲钟意小杜（唔知小蜜有无谂错）跟住就前几日，小蜜知道咗其实小敏仲意佢嘅，而小敏亦主动讲咗希望小蜜同返佢一齐啵，话自己已经知道咗咩係值得自己珍惜嘅，唔想为咗一个唔爱自己的人错过爱自己的人，希望小蜜可以返嚟佢身边，话会好好咁爱小蜜，而小蜜佢就好惊喇，惊再收到伤害啊（其实小蜜心灵係好脆弱架咋）佢个心唔知到应该唔应该返返小敏身边啊。。不过可以讲嘅係，以前小蜜同小敏一齐果时，小蜜真係真係好钟意小敏嘅，不过，到咗现在，小蜜佢好惊啊，唔知道应该点做啊，你哋有无人讲下应该点做啊？？返返小敏身边定唔返啊？？果个小蜜係我一个好好嘅朋友，希望你哋可以帮下佢！仲有一样嘢，响小敏讲话想同小蜜响返埋一齐果时，小蜜响果晚发梦梦见自己同返小敏一齐，无呃大家，係真嘅，咁又代表咗啲咩啊？？记得俾意见啊，小蜜係一个对感情好认真嘅人，大家唔好玩玩下啊！！