|
|
|
Hi,大家好！我系一个呒名嘅平民，我虽然好强壮同好勤劳，但在茫茫众生中，我唔系歌星，亦唔系影星，更加唔系幸运星，所以我唔似F几同埋周咩伦咁，周街都有自己的海报同广告，真系唸极都唔明，人地连张相都可以赚钱，但系我啲相贴埋钱都冇人要，唉,好心你,罗番屋企劈下邪都好啊！
或者，真系靓仔大晒啦！我份人冇咩要求，好细个就同我啲Fan讲：我大个咗有个好老婆同有餐好饭吃就够啦！之不过，当时就有个老伯打击我，话要做到咁样都好难，我梗系唔信啦！但系……
今年我就快够23岁，情人节第二日生日，系个好日子。前一日送嘢比人，第二日就可以收番，但系呢22年来我从来都冇送出过礼物，呒他嘅，未有过女仔中意啰，或者有，我唔知啰。我份人冇咩咖，自问都几努力去做自己啲嘢，自我觉得系个好男仔，都有试过追女仔嘅，但……冇个掂！
都冇咩嘅，鬼叫我唔系F几同周咩伦乜！今年又要过一个没有情人的情人节啦！我真系唔想，但冇计，上帝系要玩我，算啦，人地话，上帝好公平罗走咗你一样野一定会比番另一样野你（上帝：我有咁讲过咩？）问问自己，上帝比咗啲咩我啊？嗯……时间！绝对系时间！我可以做好多自己想做的事，例如系呢度讲咁多野，如果你问我开唔开心，我会答你我好唔开心，原因好简单，因为我冇女朋友，我宁愿上帝罗走我一部分时间换个女朋友比我，有啲人唔止一个而系两个女朋友，仲好大声咁同人讲：呢个女朋友我中意，但呢个女仔我都要，哈哈哈！我唔中意呢种人。（行过中山路的路人丙说:"喂！你讲紧我啊？冇……唔系……?）如果系我，我宁愿安安静静咁等我中意的人出现，我更加唔中意果啲已经有咗女朋友，但见到靓过自己女朋友的女仔就飞咗自己的女朋友去追其他女仔的男仔，佢真系一啲都唔知道咩野叫爱情，可能系我OUT啦，唔知道左拥右抱有几好，但是我觉得做人要有自己的原则，起码，我尊重人地同自己，起码，我问心无愧。
我知道天下间唔止我一个冇女朋友的好男仔，我经常都祝福天下间的有情人，但系快到最浪漫的情人节了，我只系祝福同我一样冇女朋友的人，因为只有冇拍拖，坐在电脑旁听我讲野，有拖拍都走去浪漫啦！所以坐係电脑旁边的你，如果你都冇女朋友，我祝福你，你一定会等到你心里的公主咖！预祝:情人节快乐！开心啲啦！BYE！
|
|
[color=#1E90FF]每天都會过得開開心心的魚魚[/color]
发表于 2003-1-18 16:25:00
收藏
楼主