鍾意啊sa就入嚟啦

静静 · 发表于 2002-10-1 12:26:00

蔡卓妍的內心世界：出生日期：1982年11月22日太陽星座：天蠍座(23/10-22/11) 月亮星座：水瓶座天蠍座有一個特性，就係個樣成日都唔似佢真實年齡，阿Sa就係一個好好ｏ既例子。天蠍座ｏ既佢，好有毅力！比起其他天蠍人，佢更加有自己ｏ既一套，份人好自我，俗稱為「硬頸」，唔好睇佢細細粒，其實一ｏ的都唔易食，你一定要用好多ｏ既理由去說服佢，佢先會聽你講。不過有個優點就係好捱得，幾辛苦都好，佢都可以忍，忍到極限直至佢病ｏ左佢都會繼續再忍，好鬼厲害！愛情方面都係一樣，阿Sa好有自己ｏ既態度，但你知愛情呢科點都要識溝通先至可以長久ｏ係埋一齊，所以一定要嘗試接觸同學人溝通，如果唔改ｏ下，每次拍拖都會好易分手。阿Saｏ既特別之處仲有佢好容易吸引一ｏ的年紀大過佢ｏ既人，怪不之得Twins由三歲到八十歲都咁得人鍾意啦！阿Sa鍾意ｏ既男性類型：靚唔靚仔反而其次，但你「就」得佢就好緊要。因為佢ｏ地諗ｏ野好有一套，所以你一定要令佢服你，咁你先能夠克制到佢，聽你講ｏ野。所以如果你可以令佢同你講心事，可以同佢分憂解困，咁你ｏ既勝算就會好高。對付星座天蠍女招數：讓她歡喜讓我憂！天蠍從來都係好多秘密，好多心事，加上好自我，所以肯陪佢，加上頂得住佢ｏ既脾氣，一時熱情一時冷，咁你就可以縛實佢喇！所以最好ｏ既對付方法就係以柔制剛，好似俾佢話事其實講到尾又係自己話事，咁就係最高境界。最愛星座：雙魚座最憎星座：獅子座招愛物：香水今年愛情中Point指數：80%