鹤山人在他乡---乡泪纵横（1）
鹤山--一个我住左二十几年既地方。2001年6月。我忍住泪水踏上飞往硌杉矶既航班。眼看住痛哭流涕既妻子。果一种爱莫能助既感觉。果一种心痛既感觉。真系无法言预。经过十五个钟头既飞机。终于到达目的地。再辗转坐左三个钟既国内航班。我终于到达我要生存既地方（西雅图）
开始几晚。。我都整容住我对未来既梦想而睡。还好。。可以容易训得着。之后就惨啦。。
一合埋眼就系家。一合埋眼就系妻子父母嫲嫲。好唔容易终于习惯。
2001年10月我开始我既作。返工既第一日。我就感觉到我果种：我要返鹤山既情绪高涨。：
第一日。我从未试过企系度企成十个钟。足足企到我只脚肿左。仲现左条黑筋出黎。连续
三日。我只脚真系痛到叫天不应叫地不闻。晚晚返到去就用热水浸。果种淒酸无人会知。
几日后，我终于亦都习惯。继而肿脚事件后就系冰天雪地既折磨。
飞前回看情人泪，
心乱心痛心极哀。
抵美念乡珠泪下，
独枕独眠独思妻。
待续。。。。。。。。。。。。
[此贴子已经被血霸天于2002-10-12 13:42:25编辑过]
天哥哥~~~
你系无系做好辛苦咖工作啊？？？ 讲真呀其实我地系其它国家度就真系惨过D北仔架，，
点解你系我地度唔好咩，，
要走去外国做二等公民？ 其实如果你系去佐留学就应该有呢D心理准备咯~ 几好甘啵~~~~我都想去啊~~~ 小宝你无阴公吖。我甘惨。你都仲话好。。 想稳钱系甘咖啦~~~我唔知去唔去个度好啊 我就劝你唔好去啦。。如果我当初知系甘既话。我都真系要慢慢考虑黎唔黎呢度。
不过而家黎左就回头太难者。点辛苦都要顶落去。我已经唔衰得啦。无回头路。 选择咗自己咖路~
无论几辛苦都要挨落去~ 唉~~惨系啦